جزيرة فيلكا المهجوره !!

..سوف اتكلم وبكل صراحه وكلنا هنا قلباً وقالباً لدولتنا الحبيبه ..ولكن يبدو انه نفذ صبر الكثير والكثير من الكويتين بسبب الوعود الخادعه ..الموضوع طبعاً عن الجزيرة المهجوره التى يسكنها الجن والكلاب اعزكم الله وماوى الى مدمنين المخدرات ووكر الدعارة .. نعم انها جزيرة فيلكا المظلومه جزيرة فيلكا المسكينه التى كان يسكنها العديد من العوائل ولكن تم ابعادهم من الجزيرة وذهبو الى الديار .. الجزيرة التي كانو يستمتعون بها الحداقه عندما كانو يستريحون فيها ..موقع الجزيرة استراتيجي ويجذب العديد من الناس والسياح داخل الكويت .من بعد الغزو واكثر من وزير اشغال الى يومنها هذا وكل وزير نفس الكلام وكل مجلس يتحدث عن انتهاء المشروع .. في سنة 2004 تكلمو وقالو ينتهي سنة 2007 .. اتت السنه وانتهت ولم نشاهد شي وفي سنة 2007 قالو في سنة 2009 100% سيتم افتتاحها بشكل رسمي وانتهت السنه ولم نشاهد شي وها نحن في منتصف سنة 2013 ولا جديد ..
يا جماعه يعني لازم نجيب (محمد بن راشد آل مكتوم) يسوي لنا الجزيره ولا شنو بالضبط؟
دول الخليج تقدمت والكويت بدأ الرجوع للوراء ..الان الكويت الاسواء حال في الخليج في السياسه او في الاقتصاد او في الرياضه والتعليم والحضاره والتطورات.. من بعد ماكنا نحن اول دوله خليجيه تتطور وكنا لؤلؤة الخليج اااخ قهر والله ... يخطر في بالي دائما هذه الابيات
دعوا الاقدار للقادر... فالسماء لاتمطر ذهبا ولافضة
فلو خلد الملوك اذا خلدنا...واذابقي الكرام اذا بقينا
فقل للشامتين بنا افيقوا...سيلقى الشامتون كما لقينا
بعض التجار الله يجزاهم خير الى منهم من بنى منتجع كامل بمصر والكل يعرف من هو وهذا حلاله وهو حر في تصرفه ولكن نحن لانريد ان يعطينا نريده ان يعطي هذا البلد الحبيب الى منه الكل اغتنى فيه ..ياجماعة الخير الديره من اسوأ الى اسوأ ملت الناس بس خلاص تبون الشعب يهاجر ولا شنو .. يبا مانبي زيادات معاشات ولا نبي اسقاط قروض فضوها سيره يامجلس الامه بسكم دغدغه بمشاعر الشعب .. نبي تطورات بالبلاد انا لما اسافر واشوف التطورات بالدول الى امرهم تحز بخاطري وودي ابجي اقول ليش الكويت ماصارت جذي شنو ناقصها الكويت علشان تصير جذي..ياجماعه الخير جزيرة فيلكا من احلى الجزر عربيه .. ولو فعلاً فكروا وسوو الجزيره نفس الى كان بالمخطط اتوقع انها تكون من افضل الجزر عالمياً بس ينقص الجو بس هذا مايمنع المشروع يحطون مراوح ترش ماى بالجزيره والماى من البحر مو بفلوس وهذا راح يعدل الجو ...الحكومه مادري متى تبطل عيونها ومادري متى تحس بالشعب يعني شنو يبون بالضبط نقط قطيه بين المواطنين ونسوي المشاريع انا اول واحد راح اووافق بس لا يعيشونا على امل .. وتروح فلوسنا ماراح الدخان :(